Ásaheapmi
IEŠGUĐETLÁGÁN IEŠVUOĐAT = HIRBMAT BUORRE!
Go idea lea mearriduvvon ja dii galgabehtet ásahit fitnodaga, de leat muhtun formála bealit maid fertebehtet čoavdit, earret eará fertebehtet gávnnahit din rollaid fitnodagas – gii galgá dahkat maid?
Oahppifitnodagas dii sáhttibehtet bargat juste dainna mii din mielas lea miellagiddevaš. Jurddaš DU iešvuođaid ja gelbbolašvuođa birra – mii heive DUTNJE?
Mii leat buohkat iešguđetlágánat...
... ja dat lea resursa – jus mii atnit dan riekta.
Eai buohkat máhte dahkat buot, danne lea jierpmálaš organiseret olbmuid iešguđetge ovddasvástádussurggiide.
DÁBÁLEAMOS ROLLAT LEAT...
BEAIVVÁLAŠ JOĐIHEADDJI – lea jođiheaddji ja organisere barggu buohkaide ja sus lea ollislaš govva buot bargguin mat galget dahkkot.
EKONOMIIJAOVDDASVÁSTIDEADDJI – sus lea váldoovddasvástádus ráhkadit bušeahta ja fievrridit rehketdoalu ruđain maid fitnodat atná/dine.
BUVTTADANOVDDASVÁSTIDEADDJI – sus lea váldoovddasvástádus din buktaga buvttadeamis dahje din bálvalusa ovddideamis.
EARÁ ROLLAT...
MÁRKANASTINOVDDASVÁSTIDEADDJI – su váldoovddasvástádus lea fuolahit ahte dii lehpet oidnosis kundariidda/geavaheddjiide, ja das mot buktaga galgá márkanfievrridit ja vuovdit.
BARGIIDOVDDASVÁSTIDEADDJI – su váldoovddasvástádus lea áimmahuššat buot bargiid fitnodagas ja fuolahit buori movtta ja buriid bargodilálašvuođaid.
EARÁ ROLLAT? Dárbbaša go din fitnodat eará doaimmaid? Dan gávnnahehpet ovttas!
Beroškeahttá rollas
... de lea buohkaid ovddasvástádus fuolahit ahte oahppifitnodat čoavdá hástalusaid ja bargguid mat čuožžilit.
OVTTASBARGU
Jus galgá lihkostuvvat fitnodagain, de FERTEJIT buohkat ovttasbargat bures. Lea dehálaš ahte buohkain leat iežaset doaimmat fitnodagas ja ahte buohkat leat ovtta oaivilis mot fitnodat galgá jođihuvvot ja ovdánahttojuvvot. Ovttasbargošiehtadus lea dasa veahkkin.
NAMMA JA LOGO
Buot fitnodagat dárbbašit nama, ja soaitá vuogas kulas logoin maid? Logo sáhttá boktit beroštumi ja dagahit ahte olbmot muitet din ja din fitnodaga.Buorre logo;
- speadjalastá fitnodaga ja/dahje buktaga
- lea eaŋkil ja čilgejeaddji
- sáhttá leat čáhppes/vilges ja (vejolaččat) ivnniiguin
- doaibmá sihke unna ja stuora formáhtas
Das registreret: www.perikum.no
- Lea doarvái ahte okta oahppi registrere.
- Vuosttaš geardde go manat dohko fertet ráhkadit geavaheaddji.
Go dii lehpet (dahje oahpaheaddji lea) registreren, de sáhttibehtet čálihit fitnodatatteastta duođaštussan dasa ahte dis dál lea oahppifitnodat.
REGISTRERET OAHPPIFITNODAGA
Dál lehpet measta dievaslaččat álggahan oahppifitnodaga! Dis lea jurdda das maid háliidehpet bargat, dii lehpet juogadan rollaid ja ovddasvástádusaid, ja dis lea kulas namma/logo sajis.
Dál fertebehtet dahkat dan albma fitnodahkan, ja dan dahkabehtet go registrerebehtet fitnodatregistarii (Dát liŋkka guoská ohppiide, oahpaheaddjit galget atnit oahpaheaddjeportála portal.ue.no)
Dát ferte dis leat sadjosis;
- Fitnodaga namma
- Gávpeidea
- Fitnodaga lahtuid namat
Dát presentašuvdna čájeha mot registrere fitnodaga.
Sáhttibehtet go jearrat muhtun oahppása?
- Bearraša
- olbmáid
- du liigebarggu jođiheaddji
- eatni dahje áhči bargoustibiid
- hárjeheaddji
- ránnjáid
- báikkálaš fitnodagaid
- earáid
FIERPMÁDAT LEA DEHÁLAŠ!
Mađi eanet doarjjaolbmot dis leat, dađi buoret dat lea. Din oahpaheaddji lea deháleamos olmmoš, muhto dii soaitibehtet fertet ohcat eanet vehkiid olggobealde skuvlla.
Mii ávžžuhit buot oahppifitnodagaid háhkat alcceset mentora, namalassii olbmo gii sáhttá veahkehit ja neavvut oahppifitnodaga áigodagas.
MOT RUĐAIN DE?
Dii soaitibehtet dárbbašit oastit materiálaid dahje reaidduid? Mot dan sáhttibehtet dahkat ja man olu dárbbašehpet dasa?
EchoShoppen EB čilge filmmas mot sii leat bargan álggahankapitálain, márkaniskkademiin, bušeahtain, rehketdoaluin ja máksinčovdosiiguin.
DIGAŠTALA JOAVKKUS:
- Leago JUOHKEHAŠ ožžon ROLLA fitnodagas?
Dárbbašehpet go VEAHKI oažžut sadjái dan maid háliidehpet? Mii váilu? Mot dan háhkabehtet?
Lehpet go hupman EKONOMIIJA birra? Lehpet go soahpan maid dahkabehtet vejolaš sisaboađuin?
Gii galgá leat din MENTOR?
Juohke muttus lea plána/raporta MÁLA VIEŽŽANLÁDJE. Go lehpet čađahan buot muttuid, de dis lea OLLISLAŠGOVVA mii čájeha makkár jurdagat dis ledje ja maid lehpet bargan fitnodagas – álggus gitta lohppii.
