Njuolggadusat

Oahppifitnodat dárbbaša dávjá veaháš ruđa beassat johtui ovdalgo dinegoahtibehtet, nu gohčoduvvon álggahankapitála.
Okta vuohki háhkat ruđa lea vuovdit ossosiid.

Jus din oahppifitnodat vuovdá ossosiid, de fertebehtet muitit ahte:

• Okta oasus máksá 50 ru.
• Ehpet sáhte vuovdit ossosiid eanetgo gitta 5000 ru rádjái.
• Juohke miellahttu oahppifitnodagas berre eaiggádit unnimusat ovtta ossosa, ja eanemusat njeallje ossosa, namalassii eanemusat 200 ru ovddas juohke oahppi nammii.
• Ossosiid sáhttá vuovdit olbmuide olggobealde oahppifitnodaga, muhto eanemusat oktiibuot 200 ru ovddas juohke olbmo nammii.
• Oasuseaiggádat eai sáhte gáibidit ruđa man ovddas oste ossosiid, jus oahppifitnodat báhcá vuolláibáhcagiin.
• Muhto jus oahppifitnodagas lea badjebáza, de galget oasuseaiggádat oažžut ruovttoluotta iežas ossosiid go oahppifitnodat loahpahuvvo, jus eará ii leat šihttojuvvon.
• Ii leat lohpi gávppašit ossosiiguin.
• Ekonomiijaovddasvástideaddji ferte dárkilit čállit geat leat oasuseaiggádat ja man olu ruđa ovddas sii leat oastán ossosiid.
• Oasusskoviid sáhtát viežžat DÁS.

Oahppifitnodat ii galgga váldit loana, lágideaddjivealggi dahje geavahit eanet ruđa go mii fitnodagas lea kontos. Dainna lágiin fuolahehpet ahte dis lea doarvái ruhta máksit gálvvuid/bálvalusaid oastimiid ja diŋgojumiid.

Oahppifitnodaga gálvojođu rádji 12 mánu áigodaga siskkobealde lea 140.000 ru.

FUOMÁŠ!

• Jus lahkonehpet dan ráji, de fertebehtet – ovttas oahpaheddjiin – váldit oktavuođa Ungt Entreprenørskapain ja oažžut bagadallama.
• Jus dinebehtet eambbo go 140 000 ru, de ii leat din fitnodat šat Oahppifitnodat, muhto albma fitnodat mii ferte máksit vearu ja divadiid.

Eanas oahppifitnodagaid mihttu lea oažžut badjebáhcaga. Mearridehpet ovttas ovddasvástideaddji oahpaheddjiin masa dan galgabehtet geavahit. Badjebáhcaga sáhttibehtet geavahit:

• oktasašdoibmii dego klássamátki dahje skuvlaloahpaheapmi
• sáhttibehtet addit olles badjebáhcaga dahje osiid das muhtun veahkkedoibmii
• fitnodaga bargiide

Dat berre leat čielggaduvvon ovdalgo álgibehtet oahppifitnodagain.

Din fitnodaga gálvojođus ii galgga meroštallat vearu dahje lassiárvodivadiid (MVA/moms).

(nu guhká go bissubehtet gálvojohturáji siskkobealde mii lea 140 000 ru)

Buot oahppifitnodagat galget fievrridit rehketdoalu ja sis galgá leat olmmoš gii doaibmá rehketdoallodárkkisteaddjin. Gulahallanoahpaheaddji sáhttá doaibmat rehketdoallodárkkisteaddjin.