Ideahutkan
Go álggahat oahppifitnodaga de dus leat olu vejolašvuođat bargat dainna mainna háliidat bargat! Leat olu iešguđetlágán ideat, lea dušše fantasiija mii gáržžida. Danne lea dehálaš ideaovddidanmuttus bargat viidát máŋgga evttohusain ja jurdagiin.
Maid mii dárbbuin oaivvildit?
Dárbu mearkkaša ahte muhtun dárbbaša juoidá, dahje soaitá dušše háliidit juoidá.
OZA DÁRBBUID JA ČUOLMMAID
Geavat álggos áiggi ohcat dárbbuid dahje čuolmmaid din birrasis; skuvllas, báikegottis, gávpogis, Norggas dahje máilmmis.
Jeara rabas gažaldagaid:
- Manne dat lea čuolbma?
- Geasa lea dat čuolbma?
- Gos čuožžila čuolbma?
- jna.
Book Creators EB háliidii dahkat rievdadusa olbmuide. Sii gávnnahedje ahte soittii leat DÁRBU girjái fáttá birra man oallugat navdet tabuáššin, namalassii go váhnen čohkká giddagasas.
Čiegusvuohta lea
...gávdnat «buriid» čuolmmaid maid háliidehpet čoavdit. Dalle lea álkibut fuobmát čovdosiid.
GEAT LEAT DIN OLAHUSJOAVKKUS
Namalassii, GEAIDDA áigubehtet ovddidit dán idea?
Lea hui buorre defineret olahusjoavkku nu bures go vejolaš. BUOHKAT eai sáhte leat olahusjoavkkus, dalle šaddá váttis márkanfievrridit ja vuovdit buktaga. Jurddaš agi, ássansaji, beroštumiid birra jna.
Leago geavaheaddji ja oasti seamma?
Ii álo! Ovdamearkka dihte jus ráhkadehpet juoidá mánáide dahje eliide, de lea dávjá rávisolmmoš gii oastá buktaga, ja mánná/ealli geavaha dan.
- HÁLIIDEHPET GO DÁN? Lehpet go movttiiduvvon?
- MÁHTTIBEHTET GO DÁN? Leago vejolaš čađahit?
- LEAGO BEROŠTUPMI? Leago oktage gii háliida oastit din buktaga?
DIGAŠTALA JOAVKKUS:
- Makkár miellagiddevaš DÁRBBUID/ČUOLMMAID lehpet gávdnan?
- Makkár ČOAVDDUSIDEAID áigubehtet digaštallat viidásit?
- GEAVAHEHKET MODEALLA gierdduiguin ja digaštallet din ideaid.
Gávpeidea
Gávpeidea galgá muitalit maid fitnodat bargá, ja manne kundarat galget válljet sin ovdalii eará fitnodagaid márkanis.
Gávpeidea hábmen:
- Čilget buktaga dahje bálvalusa.
- Makkár dárbbu dahje čuolmma háliidit čoavdit.
- Geat galget leat buktaga olahusjoavku.
- Manne olahusjoavku galgá válljet juste du buktaga.
Juohke muttus lea plána/raporta MÁLA VIEŽŽANLÁDJE. Go lehpet čađahan buot muttuid, de dis lea OLLISLAŠGOVVA mii čájeha makkár jurdagat dis ledje ja maid lehpet bargan fitnodagas – álggus gitta lohppii.
