Doaibma
BUVTTARÁHKADEAPMI
Oahppifitnodagas lea sáhka "dahkat jurdagiid duohtan". Muhtumat bohtet hui guhkás ja ožžot buktagiid márkanii. Earát bisánit prototiippas dahje pilohtas. Dat boahtá veahá das makkár idea dis lea ja man áŋgirat lehpet.
GEAIDNU GÁRVVES BUKTAGII
- Idea lea dál šaddan čoavddusin!
- GEAHČČALATTA čovdosa márkaniskkadeami čađaheami bokte.
- RÁHKAT prototiippa dahje pilohta.
- Prototiippa/pilohta máhcahagaid vuođul RÁHKADEHPET buktaga gárvvisin.
Hutkáivuohta lea dehálaš buot muttuin oahppifitnodagas
...maiddái de go bargabehtet buvttaráhkademiin, vuovdimiin ja márkanastimiin.
MOT RÁHKADIT PROTOTIIPPA?
Dá lea unna filmmaš dan birra manne lea jierpmálaš ráhkadit prototiippa ovddalgihtii, ja muhtun ideat mot.
KODENKURSSA PROTOTIIPPAT
Fuomáš mot Nemst oahppifitnodagas ráhkadedje sihke prototiippaid ja máŋga modealla go ovdánáhtte sin kurssa kodema birra.
OVDÁNANPLÁNA
Lea goansta ráhkadit plána bargguin mat galget dahkkot. De lea álkibut oaidnit gii galgá dahkat maid ja goas. Dan mii dávjá gohčodit ovdánanplánan.
EKONOMIIJA
Jus dii galgabehtet atnit ja/dahje dinet ruđa, de lea dehálaš ahte ráhkadehpet;
- bušeahta - dasa bidjabehtet dan maid DOAIVUBEHTET dinet ja golahit
- rehketdoalu - dasa biddjo dat maid DUOĐAS lehpet golahan ja dinen
- báŋkokonto - gos vuorkubehtet ruđa ja gos álkit beassá geahčadit ekonomiija
- en faktura - lea máksingáibádus dan ovddas maid lehpet vuovdán.
Maid háliidehpet olahit juste fal din oahppifitnodagain?
Leago vuovdit nu olu buktagiid go vejolaš, dahje ahte buktagiin galgá leat nu buorre kvalitehta go vejolaš? Leago dis mihttun oažžut eanemus duhtavaš kundariid, vai háliidehpet go leat earenoamáš buorit birrasa dáfus?
MIHTTU
Sáhttá leat goansta bidjat muhtun mihtuid din bargui. Mihtut sáhttet ovdamearkka dihte leat:
- galle ovttadaga/bálvalusa dii áigubehtet ráhkadit/dahkat
- galle duhtavaš kundarat
- maid galgabehtet dinet dahje geain áigubehtet veahkehit
Atnet veahá áiggi
... ságastallat maid dii háliidehpet, ja ráhkadehket mihtuid dan mielde.
Lea maid hui buorre HÁRJEHALLAT MUITALIT earáide maid lea bargame. Dat lea áibbas nuvttá ja sáhttá leat hui ávkkálaš jus dahkabehtet buori barggu!
MÁRKANGULAHALLAN
Oallugiid mielas lea márkanfievrrideapmi somá! Das sáhttibehtet hutkkálaččat bargat iešguđetge vugiiguin gulahallat kundariiguin:
- sosiála media
- neahttasiidu
- gihppagat
- plakáhtat
- logo
- reklámafilbma
- stand
Álkimus lea dávjá buoremus!
Lihppu poastakássii sáhttá leat doarvái buorre.
MEASSUT JA GILVVOHALLAMAT
Skuvlameassut ja gilvvohallamat lea somás vásáhus gos oahppá olu, ja doppe beassabehtet čájehit iežadet fitnodaga ja buktagiid. Doppe galgabehtet earret eará gilvalit earáid vuostá iešguđetge kategoriijain.
Jerret iežadet oahpaheaddjis makkár meassuide ja gilvvohallamiidda dii sáhttibehtet searvat.
PITCH - PRESENTAŠUVDNA
Go oahppifitnodat oassálastá meassuin dahje gilvvohallamiin, de lea dehálaš presenteret buktaga ja fitnodaga nu bures go vejolaš. Dávjá ferte ráhkadit pitcha vai čalmmustahttá deháleamos ákkaid ja oažžut kundariid, jury dahje earáid jáhkkit didjiide.
Geahča filmma mii čilge mot galgá ráhkadit: Buori pitcha!
JIERPMÁLAŠ JURDDAŠIT:
- Lehpetgo ráhkadan PROTOTIIPPA/PILOHTA, ja lehpetgo duhtavaččat?
Leago dis PLÁNA buvttadeami/čađaheami várás? Leatgo buohkat ovtta oaivilis?
Áigubehtetgo bidjat MIHTUID? Jus juo, makkár de?
Diehtibehtetgo mot galgabehtet MÁRKANFIEVRRIDIT?
Lehpetgo hupman searvat vejolaš GILVVOHALLAMIIDDA?
I hver av de 5 fasene ligger en NEDLASTBAR MAL på en plan/rapport for fasen. Når dere har vært igjennom alle fasene, vil dere ha en TOTALOVERSIKT som viser tanker dere har hatt og ting dere har gjort i bedriften - fra start til slutt.
