Dávjá jerron gažaldagat

Oahppifitnodat lea vejolašvuohta nuoraidskuvlla ohppiide álggahit iežaset fitnodaga. Oahppifitnodaga jođiheamis don ja muhtun earát klássas ovttas álggahehpet unna bargosajáža. Dii šiehttabehtet juste mainna áigubehtet bargat, ja mot galgabehtet juogadit bargguid gaskaneattet.

Buot fitnodagaid ferte álggahit ovttasráđiid oahpaheddjiin!

Buohkat geat vázzet nuoraidskuvlla sáhttet álggahit Oahppifitnodaga. Fitnodagas fertejit leat unnimusat guokte oahppi, ja dis ferte ovddasvástideaddji oahpaheaddji skuvllas.

Don sáhtát ráhkadit diŋggaid dahje biepmu, sáhtát fállat bálvalusaid dahje doaimmaid – dat lea dušše din duohken gávnnahit maid jáhkkibehtet olbmuid háliidit dahje dárbbašit.

Dat sáhttá rievddadit veahá, muhto mii ávžžuhit ahte lehpet unnimusat golmmas. Jus okta lea buohcci dahje jávká ovtta beaivvi, de sáhttá gártat olu bargu daidda earáide.

Juo, ja dii berrebehtet álggus juo mearridit mot vejolaš badjebáhcaga galgá juogadit. Dávjá manná oassi badjebáhcagis veahkkedoaimmaide dahje klássakássii. Jus fitnodagas lea olu doaibma olggobealde skuvlaáiggi, de sáhttá leat buorre jurdda addit osiid badjebáhcagis didjiide geat lehpet fitnodaga bargit.

Ehpet ferte. Olu oahppifitnodagat deattuhit earáide leat veahkkin almmá vealtameahttumit dinet ruđa. MUHTO dat ii mearkkaš ahte dii ehpet dárbbaš gieđahallat ekonomiija guđege ládje, ja soaitá ahte dat, maid háliidehpet olahit, gáibida veahá ruđa álggus.

Juo, oahpaheaddji sáhttá veahkehit fitnodagain. Dasa lassin lea vuogas oažžut veahki din fierpmádagas. Dii soaitibehtet dovdat soapmása gii sáhttá veahkehit juogamainna ieža ehpet máhte? Báikkálaš olbmuid mielas lea buorre go dis lea iežadet Oahppifitnodat, ja danne gánnáha jearrat veahki. Lassin leat Ungt Entreprenørskapas du fylkkas iešguđetlágán doaimmat ja lágideamit oahpaheddjiide ja ohppiide.

Eanas oahppifitnodagat galget heaittihuvvot skuvlajagi mielde. Muhto lea vejolaš guhkidit oahppifitnodaga áiggi jus fáddá dahje fága, masa oahppifitnodat lea čadnon, bistá máŋga skuvlajagi.

Buot oahppifitnodagat, mat ráhkadit biepmuid dahje juhkosiid, maid galget vuovdit dahje addit (namalassii «biebmofitnodat»), fertejit leat registrerejuvvon Biebmobearráigeahčus.

Skuvla galgá registreret Biebmobearráigehččui buot skuvlla oahppifitnodagaid/nuoraidfitnodagaid skuvlla organisašuvdnanummarii. Skuvla registrere oahppifitnodaga/nuoraidfitnodaga kategoriijai «Detaljomsetning og servering (detálljajohtu ja dárjjodeapmi) ja buvttadanhámis «kortvarig salg» (oanehisáigge vuovdin). Skuvla registrere buot oahppifitnodagaid/nuoraidfitnodagaid oktii skuvlajagis. Skuvla ferte registreremis geavahit «Ungt Entreprenørskap (UB)» nama.

Dás gávnnat ávkkálaš reurssaid ođđa biebmofitnodaga álggaheami birra

Registrere skuvlla nuoraidfitnodagaid Biebmobearráigehččui

Biebmobearráigeahču vástidanbálvalus sáhttá veahkehit jus skuvla dárbbaša veahki registreremiin/deavdimiin. Vástidanbálvalusa olahat go riŋget telefonguovddážii 22 40 00 00

Oahppifitnodat lea oassi skuvlabarggus ja das ferte leat oahpaheaddji ovddasvástideaddjin Oahppifitnodaga barggus. Oahppifitnodagas ii sáhte leat gálvojohtu badjel 140.000. Oahppifitnodat ii dárbbat máksit vearu dahje lassiárvodivada. Oahppifitnodagas sáhttet leat eaiggádat vuollel 18 jagi, dábálaš fitnodagas fertejit eaiggádat leat deavdán 18 jagi. Geahča njuolggadusaid jus háliidat eambbo dieđuid.

Dat lea oalle seamma ládje. Dus ferte leat buorre joavku, dus ferte leat álggahanruhta ja fertet bearráigeahččat ekonomiija. Don fertet ovdánahttit fitnodatidea. Lea veahá álkibut registreret Oahppifitnodaga, ja don it dárbbat máksit vearu ja divadiid. Ja dus ferte leat oahpaheaddji veahkkin Oahppifitnodagas.